آی باتدی صبح آچیلدی زینب نوایه گلدی * زهرا دئدی حسین وای عالم صدایه گلدی
چون ییخدیلار آتیندان سلطان تشنه کامی * دنیایه اولدی اعلان قتل الحسین پیامی
جناتیدن ائشیتدی پیغمبر گرامی * نعلین سیز عباسیز کرب و بلایه گلدی
پیمانه عالم اولدی چانانه وئردی چانین * شوق و شرافتیان طی ائتدی امتحانین
شمر دغا توکندی خاک منایه قانین * پوزدوتدی آسمانه حمد و ثنایه گلدی
خون خدا توکولدی گودال کربلایه * یئرلر تزلزل ائتدی دعسه دوشوب سمایه
کروبیان لاهوت آغلاشدی بو بلایه * یئل اسدی گون دوتولدی ظلمت فضایه گلدی
خون حسین بوغازدان جاری اولان زمانی * جبریل آپاردی عرشه بیر شیشه ده قانی
اول شیشه دن نمودار اولدی بلا نشانی * قوزاندی بوی ماتم اهل سمایه گلدی
نور حق اولدی لامع باشسیز قالان بدنده * اس حسین مظلوم سر نیزیه گئدنده
باد سیاه اسنده یئر زلزله ائدنده * سیندی نظام دنیا حد فنایه گلدی
نزدیکدی یئرندن چیخسون مدار دنیا * آل امیه ائتسون دستور شرعی ملغی
سرنیزه دن ائدنده نور حسین تجلی * دین محمد اوسته نورانی سایه گلدی
فرمان غارتیلن تللی آشوب عربلر * گوردی اوهایهویی اطفال زار و مظطر
قاچویلا خیمه گاهه بیردن اوچالدی سسلر * عمه آماندو لشگر خیمه سرایه گلدی
صحرانورد عربلر خرگاهی یاندیراندا * باشی آچوغ حرملر اوتدان چیخوب قاچاندا
قالخیب بحتر آتش گیزلندیلر دوماندا * توسدی اوجالدی قاره پرده هوایه گلدی
بیر خوردا قیز قاچیردی دوتموش آلوعباسین * مرد یهودی دوتدی خاموش ائدب لباسین
گتدی اله حسینون دلبندینون رضاسین * احسن او شیخه مشکل وقته هرایه گلدی
گرائتمه سئیدی زینب نسل حسینه امداد * اولموشدی اودایچینده سوزان امام سجاد
قیلدی رشادتیله اوتدان امامی آزاد * بیر تازه زندگانیق زین العباده گلدی
زهرا گزردی گوندوز اطراف ماجراده * کوفیه حسینون گئتدی باشی جداده
نعش حسینی آخشام باشسیز قویوب اراده * گون باتجاقین او خاتون مطبخ سرایه گلدی
حوران باغ جنت محزون گرفته سیما * حوا خدیجه خاتون مریم جناب سارا
آشفته مو سیه پوش دیللرده وای حسین وا * زهرایه همدم اولسون بزم عزایه گلدی
اللی اوچ ایل قاپونداوار حسین جان * نوحه یازیب غمونده اولموش مریض و نالان
دست مبارکونله دردینه ائیله درمان * امید صحت ایله باب شفایه گلدی
روز تشت گذاری...
برچسب : نویسنده : majidabad-nir بازدید : 164